តៃវ៉ាន់៖ ប្រធានសភាអាមេរិកលោកស្រី ណាន់ស៉ី ប៉េឡូស៉ី បានទៅដល់ទឹកដីតៃវ៉ាន់ហើយនៅយប់ម៉ោងប៉ុន្មាន៩កន្លះយប់ ថ្ងៃទី២ ខែសីហា ឆ្នាំ២០២២នេះ ដែលធ្វើឱ្យលោកស្រីក្លាយជាមេដឹកនាំជាន់ខ្ពស់អាមេរិកដំបូងដែលបានទៅជាន់ទឹកដីតៃវ៉ាន់ក្នុងរយៈពេល ២៥ឆ្នាំចុងក្រោយ។
បន្ទាប់ពីជាន់ដីតៃវ៉ាន់ លោកស្រី ប៉េឡូស៉ី ត្រូវបានមន្ត្រីជាន់ខ្ពស់នៃកោះតៃវ៉ាន់ទទួលស្វាគមន៍ដោយផ្ទាល់នៅព្រលានយន្តហោះ។
ប្រទេសចិនបានឆ្លើយតបទៅនឹងការចុះចតយន្តហោះរបស់មន្ត្រីជាន់ខ្ពស់អាមេរិកនៅលើទឹកដីតៃវ៉ាន់នេះដោយឲ្យយន្តហោះចម្បាំងរបស់ខ្លួនហោះចូលដែនអាកាសតៃវ៉ាន់ទាំងយប់។ ទោះយ៉ាងណាមិនទាន់មានព័ត៌មានណាផ្សេងទៀតទាក់ទងជាមួយនឹងប្រទេសចិននោះទេខណៈដែលការធ្វើសមយុទ្ធបាញ់គ្រាប់ពិតនៅច្រកសមុទ្រតៃវ៉ាន់កំពុងតែបន្ត។
ក្នុងការជួបពិភាក្សាតាមទូរស័ព្ទជាមួយនឹងប្រធានាធិបតីអាមេរិក ប្រធានាធិបតីចិនលោកស៊ីជីងពីន បានប្រាប់អាមេរិកថា «បើសិនអ្នកលេងភ្លើងអ្នកនឹងរលាក»៕
